Ho mei,
i hob ma dachd, edz muas i moi des Schweigen hier brecha und moi wieda irgend an Grampf is Forum schreim, sonsd rosd ja des hier no kommledd ei!!
Ho, wo ma grod dabei san, i werd edz de naechsten Dog ah moi mei Email Addressen umstellen, weil i aaf de oide so fui Grampf gschigd griag!!
Oiso schreibds in Zukunfd nur no oille an thomas@tkastl.de !!
Dangge!!
Pfiadeich 
Jo genau,wei den Grampf den brauchma jo ned exdra an dei imeil adressn schigga,des schreima einfach do eina!
Oba i finds scho a weng bläd,daß du do eimfach des Schweign brichsd,wei wos hod daran des do?und wer soisn wida richdn?
omei,omei! 
Des is ois koa problem, des richd se vo alloa wieda. Naja, eigendlich iss des mit dem Schweigen eha so wia mid an Regenwurm. Wenn mas in da Middn auseinander brichd, dann hod ma auf oi moi zwoa da, de dann oba in entgegengesetze Richdungen ausanandalaffand - und scho is a Ruah mid dem Schweigen!
Soiba schuld, Tom. Wenn du oiwei koane Fotos reistellst, dann mag a koana mehr was auf dei Seitn schreim. Oiso woast eh was'd zum doa hast
Sch... 2 Schweigen?? da wiads aba gscheid staad... i hoff,des wiad koa plagn,wenn se de so schnei vamean!
Muaßd hoid in zukumpft a weng künstlerisch aktiv wean (moi hoid amoi tom äktschn,des kimmd sicha guad !)oda deine mädels miaßnd dia wos zum buidl macha leihn!
Oh naaa, hear ma blos damid aaaf! Am olla earsdn dog, ois i in de WG eingezogen bin, da waehr i scho beinah dazu genoetigt worn a Buidl zu moin! I hob mi oba zum Glueck bis heid davor druecken kenna. Oiso sogs ned zu laud, sonst kemmand meine Maedelsn no drauf und i muas doch no a Buidl moin.... brrr....
Ah genau, uebrigens. Ho Birgit, des is edz koa Witz. So wias ausschaugt, hab i woi mei Digicam irgendwo verlorn.... Des is echt super schei... oba i hob scho oisse durchsuachd. Zum Glueck hod oba'd Kerstin ah oane - sogar no a fui a bessere. Und zum aller groessten Glueck iss ja zum Glueck scho in 4 Wochan da. Und dann ko i wieda ganz gluecklich Budiln macha. Ho
Des mit der Party-Einladung soi wohl a Witz sei?! I kann doch ned moi schnoi nach Australien in'd Hooker Street kemma. Außer du erklärst des meine Professoren und zoist ma den Flug. Dann kimm i natürlich gern. I hoff du machst da ned so vui scheiß in Australien. Ned, dass ma Klagen kemman. Dann lassen de am End gar koane Bayern mehr ins Land, weil du di so aufgführt hast
Meld di mal wieder, wie's oiwei geht.
Ja edz kimm oba - des wird a sau-fetzen-geile Party wern. Des ko da de paar Kilometer und am Freidog blau macha scho moi wert sei!
Und wenga koane Bayern mehr ins Land lassen.. hmm, mach da do moi koane Sorgen. De Maedels bei mir in da WG kennan mi in da Zwischenzeid scho rechd guad. Hey i moan, des mid der bayrischen Bier-Party ward ned moi mei Idee - des is da Judy eigfoin!
Oiso ned lang nach nach Ausreden suacha - sondern einfach kemma!
Oiso i woaß goaned,wos ia hobts,i kimm vorbei! (woaß scho,ez bin i a no gschead!)
Gei Kerstin, du warsd ma scho imma de liabste. Aaf di ko ma se wenigstens verlassen ...ganz im Gegensatz zum Resd vo da Bagasch!
Du gei Kerstin, wennst a so weita machst, muaß i bei da Oma s Kellafensta afmacha, daß a weng einerengt
(...oh mei,oh mei,wia reiß i des ez wieda aussa...naja,vielleicht geds so:)
Ja woasd,i dad eich ja gean midnemma,in mein handgepäck wa scho no a weng a bloz,aba i ko des ja ned vaandwoadn,wenn eich dann do des bia ned schmeggt...!
Ois klar,guad,daß i glei woaß,mid weiche Methodn ia oabats! Da muaß i mi zammreissn,damit mei Zeig ned ois vahoazd is,wenn i zrugg kimm! Wos füa Bestechungsmethodn ziagdsn voa?
punkt punkt punkt / glaub das sollte doch wohl eher heissen ~Erpressungsmethoden~ / wir verhandeln nicht mit Terroristen! / punkt punkt punkt
To post on this forum please log in